🐂 பொங்கல் முன்னிட்டு திருப்பூரில் ஜல்லிக்கட்டு காளைகளுக்கு தீவிர பயிற்சி
⚠️ ஆன்லைன் டோக்கன் முறையை நிறுத்த கோரிக்கை

தமிழகத்தில் தைப் பொங்கல் திருநாள் நெருங்கி வரும் நிலையில், ஜல்லிக்கட்டு போட்டிகளுக்கான ஏற்பாடுகள் மாநிலம் முழுவதும் தீவிரமடைந்துள்ளன. உலகப் புகழ்பெற்ற அலங்காநல்லூர், அவனியாபுரம், பாலமேடு உள்ளிட்ட ஜல்லிக்கட்டு போட்டிகளுக்காக தமிழ்நாடு அரசு முன்பதிவு பணிகளை மேற்கொண்டு வருகிறது. இதில் பங்கேற்க திருப்பூர் உள்ளிட்ட பல்வேறு பகுதிகளில் இருந்து மாடுபிடி வீரர்கள் மற்றும் காளை வளர்ப்பாளர்கள் ஆர்வத்துடன் பதிவு செய்து வருகின்றனர்.

🏋️‍♂️ திருப்பூரில் தீவிர பயிற்சி
தொழில் நகரமான திருப்பூரில், கோவில்வழி – நெருப்பெரிச்சல் பகுதிகளில் ஜல்லிக்கட்டு காளைகளுக்கு அதிகாலை முதலே போர் வீரர்களுக்கு இணையான தீவிர பயிற்சிகள் அளிக்கப்படுகின்றன. காங்கேயம், புலிக்குளம், தேனி மலைமாடு, ஜெயங்கொண்டம், காரி உள்ளிட்ட நாட்டு இன காளைகளுக்கு மண் குத்துதல், நீச்சல், நடை மற்றும் ஓட்டப்பயிற்சி வழங்கப்படுகிறது.

🥗 சத்தான உணவு ஏற்பாடு
காளைகளின் உடல் வலிமை அதிகரிக்க பருத்திக்கொட்டை, தவிடு, பச்சரிசி மாவு, பேரீச்சம்பழம், முட்டை உள்ளிட்ட சத்தான உணவுகள் வழங்கப்படுகின்றன.

🏆 வெற்றிப் பயணம்
மாடு வளர்ப்பாளர்கள் கூறுகையில், “திருப்பூரிலிருந்து ஆண்டுதோறும் 20-க்கும் மேற்பட்ட காளைகளை ஜல்லிக்கட்டுக்கு அழைத்து செல்கிறோம். கடந்த ஆண்டு பாலமேடு, அலங்காநல்லூர் உள்ளிட்ட 7 இடங்களில் நடைபெற்ற போட்டிகளில் எங்கள் காளைகள் பரிசுகளை வென்றன. இந்த ஆண்டும் வெற்றி பெறுவோம்” என்றனர்.

⚠️ முக்கிய கோரிக்கை
வாடிவாசலில் காளைகளுக்கு ஆன்லைன் முறையில் டோக்கன் வழங்குவதை நிறுத்த வேண்டும் என்றும், உள்ளூர் ஜல்லிக்கட்டுகளில் உள்ளூர் காளைகளுக்கு முன்னுரிமை அளிக்க வேண்டும் என்றும் காளை வளர்ப்பாளர்கள் கோரிக்கை விடுத்துள்ளனர்.

👩‍🌾 இல்லத்தரசியின் அனுபவம்
கோவில்வழி பகுதியைச் சேர்ந்த இல்லத்தரசி சினேகா கூறுகையில், “10-க்கும் மேற்பட்ட ஜல்லிக்கட்டு காளைகளை அன்புடன் பராமரித்து வருகிறேன். அவை போட்டிகளில் பரிசு பெறும் போது, எங்கள் வீட்டுப் பிள்ளைகள் வென்றது போல மகிழ்ச்சி அடைகிறோம்” என தெரிவித்துள்ளார்.

#Jallikattu
#Pongal2026
#Tiruppur
#TamilCulture
#NativeCattle
#KangeyamBull
#Alanganallur
#Palamedu
#BullTraining
#savejallikattu
#NewsSouthIndia
#SouthIndiaNews
#BreakingNews
#LatestNews
#NewsUpdate
#IndiaNews
#TamilNadu
#Chennai
#SouthIndia