🚨 பெங்களூருவில் 5 வயது குழந்தையை காலால் எட்டி தாக்கிய நபர் – அதிர்ச்சி தரும் CCTV காட்சி வெளியீடு.

பெங்களூரு தியாகராஜநகர் பகுதியில், தனது பாட்டியின் வீட்டருகே விளையாடிக் கொண்டிருந்த 5 வயது சிறுவனை ஒருவர் பின்னால் இருந்து வந்து “கால்பந்து போல” காலால் எட்டி தாக்கிய சம்பவம் அதிர்ச்சியை ஏற்படுத்தியுள்ளது.

இந்த சம்பவம் டிசம்பர் 14-ஆம் தேதி நடைபெற்றதாகவும், அப்பகுதியில் பொருத்தப்பட்டிருந்த CCTV கேமராவில் முழுவதுமாக பதிவாகியுள்ளதாகவும் தெரிவிக்கப்பட்டுள்ளது.

குற்றச்சாட்டுக்குள்ளானவர் 35 வயதான ரஞ்சன் என அடையாளம் காணப்பட்டுள்ளார். காணொளியில், சிறுவனை பின்னால் இருந்து எட்டி தாக்கியதால் அவன் சாலையில் விழுந்து கிடக்க, அந்த நபர் எவ்வித அக்கறையும் இன்றி அங்கிருந்து நடந்து செல்லும் காட்சி பதிவாகியுள்ளது.

இந்த தாக்குதலை குழந்தையின் தாய் கடுமையாகவும் காரணமற்றதாகவும் விவரித்துள்ளார்.